***

               رامیز روشن

نه یی نه یه ووردومسا دا

هئچه چیخدی هامیسی.

آللاه بیردی، اینسان ایکی

اوچه چیخدی هامیسی.

 

اکن گئتدی، بیتن قالدی

قوردا- قوشا یئم اولدو.

بو قفسده بیر من قالدیم

نئجه چیخدی هامیسی؟!

 

گؤزونده یاشی آلدادیب

هره بیر جور آغلادی.

گوندوز گونشی آلدادیب

گئجه چیخدی هامیسی.

 

بیلینمه دی یاسدی، تویدو،

یئین یئدی، دویان دویدو

پاییز گلدی سایان سایدی

جوجه چیخدی هامیسی...

 

قایناق:کپه نک قانادلاری، رامیز روشن، صدا نشریاتی، باکی1999


برچسب‌ها: رامیز روشن

تاريخ : چهارشنبه بیستم شهریور 1392 | 12:2 | نویسنده : مقصود تقی زاده هریس(نیسگیل) |
.: Weblog Themes By VatanSkin :.